Estimering er ein viktig funksjon i all planlegging og styring, det er ikkje ein plan eller eit mål, men ei meining om kva ein trur eit prosjekt vil koste til slutt. Kostnadsestimat er baserte på den informasjonen ein har tilgjengeleg på det gitte tidspunktet, og i tidlegfasen av prosjektet er dette særskilt utfordrande. Denne fasen representerer ein kompleks og særs usikker kontekst med lite tilgang på informasjon. I tillegg spelar dei konseptuelle vala som skal gjerast i tidlegfasen ei stor rolle for eit prosjekt sin langsiktige suksess.

Det har vist seg at dei tidlegaste kostnadsestimata i store offentlege prosjekt er lite realistiske. Årsaka til dette er ikkje eintydig, og ulike forklaringsmodellar debatterast internasjonalt. Aktørane i Statens prosjektmodell har vist stor interesse for å få fram meir kunnskap kring kostnadsestimering i tidlegfase.

Denne nye Concept-studien  har freista å gjere dette ved å sjå nærare på kva som skal til for å sikre eit riktig og tilstrekkeleg informasjonsgrunnlag for estimeringa, og vidare på kva for metodar som er i stand til å gi oss realistiske estimat gitt tidlegfasekonteksten.

(Av Anne Strand Alfredsen Larsen)

Forfattere av studien: Anne Strand Alfredsen Larsen, Helene Berg, Ole Jonny Klakegg, Morten Welde, Jan Alexander Langlo og Nils O.E. Olsson